أولاً شكر خاص لأعضاء المنتدى اللى تعبوا فى محاولة إظهار نتيجة محافظة المنوفية على المنتدى
ثانياً أنا ليا تعليق بسيط عايز أزيحة من على قلبى بخصوص نتيجة إعدادية المنوفية و المهزلة اللى حصلت فيها السنة دى ، طبعاً أنا متابع النتيجة من أول بدء ظهورها و اللى كان مقرر ظهورها يوم الأربعاء و اتأجلت ليوم الخميس لحين اعتماد سيادة المحافظ للنتيجة
وبعدين أهم موقعين فى المحافظة ألا و هم موقع مديرية التربية والتعليم و موقع المحافظة الرسمى أظهروا نتيجة الابتدائية بكل سلاسة و يسر و تيجى المهزلة فى الإعدادية اللى هيا أهم والناس بتستناها على أعصابها و يقوموا لاغيين موقع المديرية بعد ما كتبوا فيه تم رفع نتيجة الصف الثالث والسادس الابتدائى من على الموقع استعداداً لتحميل نتيجة الاعدادية و لما تيجى نتيجة الإعدادى تظهر الموقع لا وجود له على الانترنت. والمهزلة التانية فى موقع المحافظة اللى المفروض هوا بوابة المحافظة الالكترونية لما النتيجة تظهر عليه يرفعوا النتيجة على موقع الرابيد تشير و بعدد محدود جداً لتحميل النتيجة ، يعنى حرق دم و مسخرة بصراحة ، أنا عمرى فى حياتى ما شفت نتيجة تتحط على موقع أبلود مهما كان ناهيك عن الرابيد تشير طيب اشمعنا الابتدائى يتحط على سيرفر الموقع نفسه لأ وشوف بقا قمة المسخرة دلوقتى و الساعة 12 مساء و أنا بكتب الموضوع ده ، ما زال موقع المديرية ساقط و موقع المحافظة حاطط صورة كاتب لك فيها ( الأن نتيجة الصف الثالث الإعدادى ) و اللى يحرق الدم أكتر ان الصورة مش مربوطة بأى لينك .
والله دى حاجة تغم و اللى يغم أكتر إن والله فيه ناس معاها نسخة من اسطوانة النتيجة قبل ما تتجط على النت وجايبنها من المحافظة نفسها.
يعنى عشان أنهى الموضوع و أكون زحت حرقة الدم طول النهار من على صدرى
آسف على الكلام ده بس لو مقلتوش مش هستريح
سلام عليكم
يااخى الكريم هدء من اعصابك شويه وبعدين فيه نا تغلط بالطريقه دى ترضى بنتك او زوجتك تقرأ الالفاظ دى فى هذه المواقع التعليميه حاتقول ايه لكن معلش عارف انك غضبان وخروج عن شعورك لكن ماباليد حيله
كل ده جميل ( هو مش جميل اوي يعني )
بس الأهم اني مش لاقية بحث عن أوائل المنوفية وأوائل الإدارات خلاص اتجننت
تعرفوا اصلا ان نتيجة المنوفية ماظهرتش على موقع الوزارة
ده حتى بتاع السنة اللي فاتت ما ظهرتش
اللهم ارحمنا
الاخ الكاتب عندك كل الحق فيما كتبت و اللى مش عاجبه الكلام يروح يشوف نتيحة محافظة الشرقية على النت شكلها ايه؟ بلا خيبة بعد الانتظار الطويل ولد الجبل فأرا ازعر نتيجة لا تعبر الا عن اناس مبتدئيين فى اسخدام الكمبيوتر يا ناس عيب ده انتم المحافظة الرائدة فى التعليم !!!!!!!! بالذمة مش حاجة تكسف و حسبنا الله ونعم الوكيل
مهزلة إعدادية المنوفية