قد يغضب الكثيرون منى ولكن لا يهم انها الحقيقه يا ساده التى يعلمها الجميع ممن سوف يغضبون ولكن يتخذون خداع النفس البشريه مبدا لهم
اعترف بقدرات ابو تريكه الشخصيه اللاعب عظيم بكل المقاييس لكنه لا يستحق كل الهاله الاعلاميه حوله يدعون انه مثل وانه يقترب من الكمال والكمال لله وحده عز وجل ابو تريكه لاعب مهارته جيده
ولكن على المستوى المحلى فقط او مستوى بطوله محليه مثل بطوله دورى ابطال افريقيا عندما تصعب المواجهه يفقد ابو تريكه حساسيته
وبالنسبه للاخلاق فهو اكثر اللعبين حصولا على ضربات جزاء زور وعندما انذرة الحكم فى مباراة زامبيا بداعى التمثيل ورفع يديه ابو تريكه بالاعتذار فهذا ابسيط دليل وخير دليل على كلامى وايضا عندما هاجم جماهير الزمالك واشار لهم بالصمت بعد هدفه فى اللقاء الاخير ما لك بالجمهور الابيض افرح بجمهورك وفريقك اما فى بطوله افريقيا 2008 فجميع الاهداف التى احرزها ابو تريكه احرزها والمرمى خالى من حارسه وبعدين بعد كده يرفعلك ايديه ويطير زى العصافير وكانه اتى بالهدف الذى لا مثيل له
هل يستطيع ابو تريكه احراز اهداف مثل اهداف عمرو زكى فى كوت ديفوار هل يستطيع ان يحرز هدفين فى ليفربول كما فعل عمرو زكى الاجابه من كل المحبين قبل المنتقدين لابو تريكه هى بالطبع لا لانه لاعب محلى فقط وابسط دليل اضاعته لهدف امام الارجنتين فى مباراة مصر والارجنتيت والمرمى خالى من حارسه وهو على بعد 3 ياردات من ابوندانزيرى حارس الارجنتين ازاى الوقتى تقارن بين زكى وتريكه
انا اهو زمالكاوية وزمالكاوية جدا بس بحب ابو تريكة ومش معاك ايها العضو الكريم لو كلامك حقيقى الصدفة ممكن تتكرر مرة مرتين انما مش علطول وبعدين ابو تريكة زى حازم امام بتحبهم جماهير الناديين وساعات بتفلت اعصاب اللاعب وبعدين اه هو غلط انه شاور لجمهور الزمالك بس هو مشاورش بحركة غلط وانا مع المشرف محمد عماد فيه حدود للهزار والنقد اللى يبقى موضوعى مش جارح لو وجهنا النقد يبقى على حاجات موضوعية وبعدين مانا بشوف ماتشات كتير للاهلى واجوان ابو تريكة مبيبقاش المرمى فاضى وبعدين هو هيضرب الحارس على ايده حتى يبعد انا والله زمالكاوية جدا بس متعصبة من طريقة النقض الغير موضوعية حتى فى حركة الفرح بعد الجون لان من حق كل واحد يعبر عن فرحته بطريقته وكمان كفاية شجاعته لما ارتدى تيشيرت تعاطفا مع غزة ياجماعه فيه لاعيبة وحشة اه بس اللعيبة الحلوة تستحق ان كلنا نحترمها
بصراحة انا حزين جدا بسبب هذا الحوار اللي مش علي المستوي اللانق لناس متعلمة المفروض انها انها تعرف تقنع وتحاور الاخرين بدون تجريح ولازم نعرف ان مش انتم لواحدكم في المنتدي يعني مش محادثة علي التليفون ... لا في ناس بتقرا اللي انتو بتقولوه !!!!!!!!!
sasamansy انت بدأت كلامك بـــ " قد يغضب الكثيرون منى " يعني انت عارف ان ممكن حد يزعل من الكلام ومن شروط المنتدي ان مايبقاش في تجريح في اي حد داخل او خارج المنتدي خاصة ان مفيش اساسا موضوع مفتوح بيقول "رأيك ايه في اللاعب أبو تريكة" يعني انت اللي فتحت الموضوع وحللته من وجهة نظرك وقارنت بينه وبين اللاعب عمرو زكي ... علي فكرة انا زملكاوي جدا بس بحب ابو تريكة
mohammedemad حتي لو في حاجة تزعلك في موضوع معين يبقي هناك أسلوب آخر بدلا من بدأ حرب الكلام اللي مالوش لازمة ويخلي منظر منتدانا الرياضي مش ولابد
أولا من مميزات الأقسام الرياضية انك بتكتب رأيك أيا كان قاصدا الحقيقة و مبتعدا عن الزيف و مؤيدا بالوقائع
و لذلك فمن رأيي ان هذا الموضوع هو رأي شخصي بحت و انا مع مصطفى في كل حواره ماعدا جزئيه واحده سأذكرها
أولا لا ينبغي ان تغضب عند سماعك وجهة نظر مخالفة لك و لكن يجب ان تكون الردود بكل ذوق و بالمنطق ايضا و هذا ما اتبعه و للامانه مصطفى في الموضوع تابعوا معي كيف تابعوا معي ما كتبه بدأ مقاله بالجملة التالية اعترف بقدرات ابو تريكه الشخصيه اللاعب عظيم بكل المقاييس و هو مايوضح مدى اعتزازه بمهارات ابو تريكه
ثم بعد ذلك بدأ بنقد ارى انه موضوعي و يجب اذا كانن لديك رد موضوعي يا محمد يا عماد ان ترد به لا بالتريقه و خلاص
مثلا :::هل ابو تريكه يستحق تلك الهالة الاعلاميه و هل هو مثل رأيي بأي في الحته دي ان ابو تريكه لاعب محترم بيحب دينه و بيفخر بيه و ملتزم يستحق الشهره يستحق يبقى نجم معروف يستحق ان الناس تشيد بالتزامه احسن متبقى قدوتنا ناس منحرفه و مغنيين و هلاسين بس ميستحقش يبقى مثل عندنا مليون واحد يستحقوا انهم يتشهروا اكتر منه مش في مجال الكرة طبعا
هل اخلاق ابو تريكه وحشه يا مصطفي انتا بتحكم عليه من ادعاؤه التمثيل على الحكام بضربات جزاء وهميه ثم الابتسام لهم يعد احتسابها و هذا واضح للجميع و الأهلي حصل مش اقل من 8 ضربات جزاء بالطريقه دي بس ده ميخلكش تقول ان اخلاقه وحشه الاخلاق اكبر من ضربة جزاء و بعدين ده راجل لا بيلفظ بالفاظ خارجه و لا بيعمل اي حركات بذيئه احسن من كتيير من اقرانه اما حركته في جمهور الزمالك فقد اعتذر عنها و اظن انه مش عبيط عشان يخسر معظم جماهير الزمالك اللي بتحبه هوا اعتذر
ثالثا مصطفى لم يقل ان ابو تريكه لا يحرز الا و المرمى خالي الا في بطولة افريقيا الحاليه و لم يعمم و من له رأي آخر فليقل عادي جدا بس يفكرنا و ميتريقش
حكاية ان ابو تريكه يقدر يلعب في دوري بره و يتألق انت يا صاصا متقدرش تحكم و لو اني ارى ان جسمانه البدني لا يمكنه من ذلك و لا لكان احترف منذ زمن و لكنه فعلا يتالق في البطولات المحليه و اعيب عليك التعمميم هنا فانت لم تره في أ,روبا مثلا
و من رأيي انه احرز اهدافا كثيره و جميله منها في الزمالك مثلا آخر ماتش و لكن عمرو زكي خارج المننافسه فهو مهاجم افريقيا الأول خلق ليحرز اهدافا و بدليل احتفاظه بلقب هداف الدوري الانجليزي منذ أول اسبوع
محمد يا عماد اعيب عليك فقط عدم الرد بالمنطق و الاكتفاء بالتحذير و الاستهزاء و انتا يا مصطفى اعيب عليك رد الاستهزاء و التعميم في بعض النقاط
بس حاجه زي كده تتناقش بروح رياضبه و من غير زعل رد بدليلك او قول انت معندكش دليل ياللي كاتب الموضوع لكن متستهزأش حفاظا على صورة المنتدى
لحظة من فضلك انها الحقيقه
