مش هاعرف اعلق على الموضوع ده بالذات لانى انا بالذات متردده فيه بين قلبى(الحاجه اللى انا عايزاها) وعقلى(الحاجه اللى هم عايزينها)والكليه اكبر دليل على كده

عالعموم حبيبتى ربنا يجيب لك اللى فيه الخير
و فكروا مع بعض لحد ما توصلوا للأفضل ليكى و لمستقبلك

و صلى استخارة
ده ضرورى جــــدا

والله انا شايف ان الاباء في معظم الاوقات بيختارو الافضل لاولادهم
سواء في الحياة الجامعية او خلاف ذلك

بس دا ما يمنعش ان ساعات كتير بيصمموا علي حاجة خصوصا لو كانت بخلاف الحياة الدراسية
اي امر من امور الحياة وما ينفعش تعمل حاجة غيرة او تخالفة
وبيكون دة تدخل بشكل كبير في حياتك واسلوبك
وممكن يكون ابسط تعليق ليهم هو حرصهم علي مصلحتك او خوفا عليك او......

بيكون التدخل بشكل غير محبب وقد يسبب خلافات

علشان كدة انا من وجهه نظري
ان الواحد في قراراتة علي المستوي البعيد الخاصة بحياتة ما بعد الدراسة
يساير اهله يا اما يقنعهم او يقنعوة بس في النهاية لازم يكون عارف ان راية الخاص هوة اللي ينفذة
وعلي ذلك يكون مستعد لتحمل العواقب او الاستمتاع باختيارة

بالنسبة للقرارك في بداية المرحلة الدراسية
فلازم يكون دة رغبتك واختيارك لانك ببساطة ممكن يكون عائلتك حابة تدخلك مثلا احياء وانت مالكش دعوة بيها ولا بتحبها
بس علشان خاطر مامتك حابة تشوفك دكتور ....انت حتي مش هتعرف توصل وتبقي تمارجي
وبالنسبة للجامعة نفس النظام انت اللي هتدرس وانت اللي حاسس بنفسك هتقدر تفهم في حقوق او تجارة او هندسة
مش اهلك هم اللي هيروحوا الجامعة ويدرسوا مكانك

دا قرارك النهائي اللي لازم تختارة بنفسك وتتعامل معاه


بس في الاساس انك لازم تحترم اراء اباءك حتي وان كانت مخالفة ليك


شكرا shimaa علي الموضوع

اكيد كلامك صح يا مصطفى


و تقريبا كل الاراء زى بعضها

يعنى يبقى فى حريه فى الاختيار
بس مع النصيحة


شكرا مصطفى ع تعليقك