طريقة عمل الفتة المصرية بالخل و الثوم
الطريقة:حمصي العيش في الفرن ، رشيه بملعقتين زيت و ملح و فلفل و شوية بودرة ثوم . اللحمة اسلقيها دايماً بعد ما تغلي المية مع بصلة مقطعة اربعة قطع، حبهان و مستكة وورق لاورو ، شوية فلفل اسود و جوزة الطيب و مكعب مرق لحم .
ساعتها بس اسقطي اللحمة ، و اتركيها لحد ما تستوي خالص .
الصلصة : دقي راس ثوم حلو في الهاون كويس مع رشة ملح ، وصفريه في سمنة او زيت ، و بعدين ضيفي الصلصة و عصير الطماطم و اطفيها لما تغلي بالخل .
تبليها بالملح و الفلفل و جوزة الطيب قبل متزودي المية و سيبيها تتسبك .
الأرز المصري اسلقيه عادي بس انا بحب احط 2 قرنفل و 2 حبهان و ورقة لاورو و عود قرفة. بالطريقة دي الأرز بيطلع مبهر و ليه طعم شهي جداً.
و أخيراً رصي بقى العيش في الصينية و اسقيه بالمرق وحطي الرز و اللحمة ، واسقي الكل بالصلصة و بألف هنا وشفا أحلي طبق فتة