الخطوبه بصى علشان مايضحكش عليكى انستى العزيزه.......لو ربنا فك عقدتك واتخطبتى فاليك نصائحى حتى تسيرى بخطيبك من مركب الخطوبه الى محدش عارف هترسى على ايه(الى مثواهالاخير فى قفص النسانيس)قصدى قفص الزوجيه السعيد ما اجمل الخطوبه والعزومات الرومانسيه.......على احلى محلات اكل فى البلد... واللى معمرك ما هتشوفيها بعد الجواز.....المهم نصائحى لكى عند اى عزمه مع خطيبك.
الشوكه والسكينه
لازم تعرفى ان الشوكه والسكينه بيتمسكوا من ايديهم من الطرف يعنى مش من الوسط ولا من البوز ولا من فوق طبعا.
العيش
اوعى تفضحينا وتقطعيه بسنانك ولا الرغيف نصين بايدك وتاكلى نصف لقمه....اوعى....العيش بيتقطع بالسكينه فى الطبق وبعدين تاخدى لقمه..... لقمه.. بالعافيه ...ال يعنى نفسك مسدوده ...اضغطى على اعصابك جداااا وبعدين لما تروحى ابقى كلى زى ما انت عايزه.
الشوربه
ابوس كعب رجلك...بند الشربه ده مهمجدااا...الشوربه تتشرب من غير صوت خالص....ومن غير ما تقعدى تنفخى فيها ...زى القهوجى اللى بينفخ فى الحجر للزبون ....بالملعقه وبدون صوت..سخنه ...ولعه...برضه بدون صوت...وتسيبى ثلث الطبق على الاقل مش تخلصيه لاخر نقطه.
الرز
بيتاكل بالشوكه...اوعى ايدك تيجى على الملعقه وتاكلى من الطبق..لا الرز بالشوكه وبالهداوه وكانك مش بتاكليه.
المكرونه الاسباكتى
برضه بالشوكه...تتلف على طرف الشوكه لحد ما تخلص وبعدين تاكليها من سكات مش لازم تشفطى المكرونه عود عود.
السمك
اهو ده المشكله...شوفى...بتفصلى اللحم عن الشوك....ازاى....؟؟؟ تفصلى اللحم من النص بالطول وبعدين تفردى اللحم على الجانبين ولما تخلصى ناحيه....متقلبيش السمكه بلاش جهل ...شيلى السلسله بالشوكه والسكينه وحطيها فى جنب الطبق وكلى ..وبدل الفيلم الهندى ده...ما تكليش سمك خالص وقولى ما بحبش السمك وخلصى نفسك.
الجمبرى
الجمبرى اذا كنتى عارفاه اول ما ينزل فى الطبق بصيله بقرف واحتقار شديد ال يعنى زهقانه من كتر اكل الجمبرى الجامبو فى بيت بابا واتنهدى جامد وقولى برضه.؟؟؟ وتروحى قاطعه راس الجمبرييايه بالشوكه....انا فى عرضك انسى المصمصه دلوقت.
البطاطس
سواء مسلوقه او محمره اوعى تهريسيها وتدبيها على الرز ....لا لا لا لا....بالشوكه حته حته وانتى زى ما تكونى هتعيطى من كتر ما البطاطس صعبانه عليكى.
الفاكهه
لو الفاكهه فيها بذر...طلعيه من بؤك بالراحه وحطيه فى ايدك وهى مقفوله وبعدين فى طفايه السجاير اللى على الترابيزه . اوعى ياحبيبتى من نظام التفتفه للبذر.
ولما تخلصى اكل تحطى ايدك على بطنك اللى العصافير بتصوصو من عينات الاكل اللى كالتيها وتقولى له مش ممكن انا معمرى ما اتفجعت كده ...انا قدامى اسبوع هبطل اكل فيه . وبعدين تمسكى الفوطه اللى على الترابيزه ال يعنى بتمسحى بؤك وبعدين تستاذنى وتروحوا ولما تروحى كلى براحتك الطعميه والفول اللى جايباهم معكى وبالهنا والشفااا!!!
مكتبه نكت 2009
