فكرونى لو يوم نسيت
دم الشهيد
فكرونى لو يوم نسيت
أم الشهيد
دموعها كانت من غير دموع
صورته مرسومة فى الضلوع
كام شاب بعده هايعيش سعيد
فكرونى لو يوم نسيت
عهدى الجديد
وعدى الأكيد
لـ نبنى مصر بايد من حديد
من غير دموع من غير خضوع
ونزرع ورد فى خدها
وترجع الخضرة لأرضها
واعذرونى
لو يوم بكيت
المسرحية فى القضية
لما سئلوا اللى قتل
ليه قتلت؟
قال اللى قتل ... انا اتقتلت
واللى قتلنى سموه شهيد ؟؟!!
وفى المسرحية قالوا الأوامر من شرم جاية
وناس تقول من بعد شرم بشوية
من قبل شرم من بعد شرم هى هى ......
الحكاية مستوية
المسؤلية والأمانة فى ايدين قاتل وحرامية
وشوية بلطجية
فكرونى لو يوم نسيت اعدى عالميدان
نفس المكان
كان حنا واقف جنب الاخوان
ساعة الآذان..