logo

أهلا وسهلا بك زائرنا الكريم في منتديات كويك لووك ، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





02-02-2016 03:38 مساءً
معلومات الكاتب ▼
تاريخ الإنضمام : 2008-08-27
رقم العضوية : 1
المشاركات : 12108
الدولة : Egypt
الجنس :
الدعوات : 28
مشاركات مكتبة الميديا: 1033
قوة السمعة : 2896
موقعي : زيارة موقعي
التعليم : جامعي
الهواية : شعر

معلومة هامة عن فيروس الزيكا Zika


في البداية احب انوه ان الموضوع منقول لأهميته ولافادة الكثيرين

MjI3MzU1MQ33zika







نركز مع بعض شوية عشان الموضوع مهم ... ومحتاج تعرفوه وتنشروه عشان ميحصلش بلاوي ... لأن الإعلام بتاعنا مركز مع الأخبار الهبله وسايب المصايب اللي ممكن تجيلنا .



مؤخرأ من 2007 إنتشر بصورة ملحوظة فيرس إسمه زيكا " zika virus " في الامريكتين . وتحديدا البرازيل وكولومبيا وبوليفيا .. بالبلدي كده عشان الأماكن دي المناخ فيها دافئ ومناسب لنمو البيض بتاع البعوضه اللي بتسبب المرض ده ... والسنه دي انتشر بسرعه جدا في البرازيل وبدأ ينتشر في الدول المجاورة .


131

MzA1NjE5MQ3333zika1




الفيرس ده مليان مفاجآت وإنبهارات ..
أول إنبهار معانا إن المناخ المناسب لنمو البعوضه زي المناخ بتاع مصر بالظبط .. أيوة متتصدمش شبهها بالظبط والفيرس بينتشر بسرعه جدااااااا ومتوقع يصيب من 3-4 مليون واحد علي أخر السنه .. وحتي الآن الاخبار متفاوته هل هو موجود في مصر ولا لأ .. بس اخر الاخبار بتقول انه مش موجود الحمد لله .. بس الأكيد إنه هيجيلنا يعني " زقططوا ياعيال هيجيلنا فيرس " .

تاني إنبهار معانا إننا " كمصر " لحد دلوقتي معندناش آليات عن ازاي نواجه الفيرس ده ومحدش إتكلم خالص عنه ... لولولولولولولولولولوووووووووي . زغرطي يااللي منتيش غرمانه .


تالت إنبهار معانا ان الفيرس ده إنه ملوش علاج أو مصل لحد دلوقتي .. إي والله ياأخي مفيش علاج لأننا مش عارفين معلومات كافيه عن المرض دهون .. أيوة دهون ... وده في حد ذاته كارثه ومنظمه الصحه العالمية شغاله إجتماعات كل يوم .. وبان كي مون لسه بيعرب عن قلقه " واضح إن دي شغلته في الحياة بس "


MTU1Njc1MQ2020zika2




خطورة المرض ده في 3 حاجات :
1- إنه بيسبب خلل جيني في الأجنه .. وبالتالي الأطفال اللي هتتولد هتبقي راسها صغيره نتيجه عدم نمو الجمجمة .. وده هيأدي بالطبع إن الطفل ده هيبقي متأخر ذهنيا ووظيفياً عن بقية الأطفال .. الحاله دي عندنا في الطب إسمها microcephalus " شكل الطفل هتلاقيه في الصورة " بس الحمد لله حتي الأن لم تسجل أي ولاده مشوهه "
2- لو طفل إتصاب بيه هيأثر ع الجهاز المناعي والعصبي بتاعه وهيأدي للشلل .
3- إن أعراضه زي أعراض البرد العادي بالظبط .. يعني هتلاقي إرتفاع في درجه الحراره مع احمرار في العين .. بس المميز فيه إنك هتلاقي آلام في المفاصل وطفح جلدي " لو حسيت بالحالات دي إجري علي أقرب طوارئ مستشفي "



MTMwNjcxMQ4747zika3




لموضوع مخيف جداا ومش سهل بالمناسبه .. يعني متاخدش الموضوع هزار ..
طيب والحل ؟
الحل إنك تاخد إحتياطاتك ب4 طرق سهله جدااااااا جدااااااااااااا .


1- الميه الراكدة ومتخزنه بقالها فتره أو اللي في جراكن ارميها وإملي الميه تاني عشان الفيرس بينتشر في المية الراكده .. وملهاش لزوم تخزن ميه دلوقتي .. إنت مش داخل علي سحب اللي هيخزن أكتر هيكسب آيفون 6 .


2- الزباله ارميها أول بأول ومتكومهاش عندك عشان برضه الفيرس بينتشر وبيتكاثر فيها .


3- ودي الأهم : متعملش نفسك هركليز ولما تيجي نموسه عليك تفعصها .. بالعكس .. حاول تبعد عنها بقدر المستطاع تبعد عنهم .. ويستحسن تستخدم مبيدات حشريه وتلبس بكم طويل عشان تمنع الحشرات اصلا انها تجيلك ... وأمن نفسك بإنك تقفل الشبابيك كويس في الفتره ده لأن محدش عارف ممكن يدخلك منين .


4- لو إنتي حامل وحسيتي إن عندك الأعراض اللي انا قلتها فوق دي حاولي تستشيري الدكتور علطول عشان تحمي إبنك من إنه يتولد مشوه .. لان الموضوع خطير فعلا وميستحملش الهزار .


وأخيراً ربنا يبعد عنا وعنكم جميع الأمراض ..

 
 

توقيع :Galal Hasanin
Mr. Galal Hasanin
Expert Teacher of English Language
El-Malek El-Kamel High School
Mansoura Secondary High School
ربما يعجبك هذا أيضا

اضافة رد جديد اضافة موضوع جديد



المواضيع المتشابهه
عنوان الموضوع الكاتب الردود الزوار آخر رد
الزراعة داخل المنازل: دليل للمبتدئين ارشادات ونصائح هامة مراسل كويك لووك
0 240 مراسل كويك لووك
نصائح هامة عند اختيار شركة كشف تسربات المياه محمدحمدعبدالقادر
0 364 محمدحمدعبدالقادر
نصائح هامة عند اختيار شركة كشف تسربات المياه محمدحمدعبدالقادر
0 369 محمدحمدعبدالقادر
اوراق هامة لتنسيق الثانوية العامة Galal Hasanin
0 1047 Galal Hasanin
مراجعة هامة احصاء ثانوية عامة Galal Hasanin
0 1619 Galal Hasanin

الكلمات الدلالية
معلومة ، هامة ، فيروس ، الزيكا ، Zika ،









الساعة الآن 12:22 AM