محمد عبد القدوس كاتب وشخصيه رائعه وقوره ومحترمه ولا ينكر ذلك شخص الا جاحد
بس الأزمه اللى حصلت مش بسبب الرئيس تماما
أولا لعده اسباب
الحكم بتاع المحكمه استرد حقوق شهداء مجزره بور سعيد
وأنا مش انسان جاهل علشان أقول أن الحكم جاى على محافظه بور سعيد الحكم جاى على بلطجيه بأعينهم قتلوا اخوتنا فى الاستاد ومصدرش حق بالاعدام ليهم الا بفيديوهات موثقه ليهم أثناء القتل
واذا بصينا للى حصل بعد الحكم ومحاوله الهجوم على سجن بور سعيد مش هيعمل كده الا شخص لطجى بمعنى الكلمه يستحق الموت
لما بلطجيه يهجموا على سجن بور سعيد بهدف تهريب المساجين واتقتل ظابط شرطه وأمين يبقى ايه رد الفعل غير ان الشرطه كان لازم يكون ليها رد فعل مش يتقتلوا وبس؟!
والجيش لما نزل لازم يكون ليه تعامل حاسم فى الازمه دى من يتعدى على اى سجن لمحاوله تهريب المساجين لازم يتم التعامل معاه بقوه وبحزم
اذا فضلنا نلوم مرسى بس ونحمله المسئوليه عن اخطائه واخطاء غيره يبقى مصر معمرها ما هتتحسن
لا يغير الله قوما حتى يغيروا ما بانفسهم
وربنا هو الاعلم بنيه كل عبد